السلام عليكم ورحمة الله وبركاته
حبيت قبل ما اسيبكم في رمضان اترك لكم ذكرى طيبة
دي هدية لكل الأمهات والاباء الكرام اللي بيتبعونا
جدول رمضاني للأطفال جاهز على الطباعة
فيه مجموع العبادات اليوميه للمسلم
وكل ما الطفل ينتهي من عباده نضع عليها نجمة عشان نشجعه على الاستمرارية
ملاحظه:
أحب اذكر إن طبعا لو الجدول دا هيكون بين اكتر من طفل فيفضل إن الامر مايكونش تنافسي .. فقط تشجيعي
لان المنافسه بين الاطفال غير صحيحه وضررها اكتر من فائدتها
لأن الاطفال بتتفاوت في قدراتهم .. والطفل اللي قدراته على المواظبة والاستمرارية ضعيفه هيحس بالفشل ودا هيسببله عدم ثقه بالنفس وممكن يسبب مشاكل تانية زي العصبيه او أنه يكره اخوه او صحبه اللي كسب
والطفل اللي قدراته اعلى ممكن يبقى مغرور من بعد فوزه على الاخر .. او ممكن يخسر المعنى الحقيقي للعمل "وهو انه يكون احسن ويتقدم في الخير" ويبقى همه فقط أنه يفوز على الاخرين
لذلك الافضل نشجع الاطفال ونكافئ الكل ونساعدهم على الاستمرار
ونذكرهم دايما بإن "ما عند الله خير وابقى"
وشكرا ليكم ونراكم بعد رمضان بإذن الله
كل عام وانتم من الله اقرب وعلى طاعته ادوام
ليست هناك تعليقات:
إرسال تعليق