دودة الملمس

"دودة الملمس"
من الالعاب الحسية الرائعة للاطفال من اول ٦ شهور
وابني لحد الان بيستمتع بيها جدا"سنه وخمس شهور "

فكرتها بتعتمد على ملامس مختلفة 
"رز حمص عدس لوبيا "
او اي حاجات مختلفة الملمس عندك
بتفصلي ما بين كل جزء والتاني

الطفل بيقارن وبيحصل عنده وعي بي الاختلافات دي
دا بيزود من الشبكات العصبية في مخه
وكل ما العملية دي بتتكرر كل ما الوصلات دي بتقولي
ودا طبعا بيساعد في عملية التعليم المبكر للطفل

الادوات
شراب قديم
شريط
اعين عروسه او زراير
واي اكسسوار حبه تضفيه
مسدس شمع

كل ما تملي حبه اقفليهم بالشريط وكويس واكدي بمسدس الشمع عشا

ن مش يدخل في بق الطفل

عرائس الاصبع

عرائس الاصبع
جميلة جدا في تنمية الابداع والخيال عند الطفل

بلبسهم في صوابعي ونبدا نغني واحنا مسكنهم ,,, وبرجع احطها في صباع تميم واخليه هو اللي يغني وكانه بيحكي
حبها جدا وكان سعيد بيها

الادوات
جوخ ..
ازرار ..
اعين عرائس " انا مش كان عندي لكن كان في اخت قالت على موضوع شريط الدوا الفارغ والعدس وبصراحة فكره ممتازه"
مسدس شمع

بتقصي الجوخ اكبر من اصبعك شئ بسيط "وجهين"

وبتلزقي بمسدس الشمع " مش تنسي تسيبي مكان فاضي في النص لصباعك"

وبعدين هتلزقي العيون والافم واي اكسسوري عايزاها

وبكدا العروسه بقت جهزه لاجمل قصص واناشيد